Հայաստանի Հանրապետության իրավաբանների միության (ՀՀԻՄ) անդամներ կարող են դառնալ ՀՀ այն քաղաքացիները, որոնք ունեն իրավաբանական բարձրագույն կրթություն, ընդունում են ՀՀԻՄ-ի Կանոնադրությունը, նրա նպատակներն ու խնդիրները, նպաստում նրանց իրագործմանը եւ մուծում են անդամավճար:

Հայաստանի Հանրապետության իրավաբանների միությունը շնորհում է նաեւ պատվավոր անդամի կոչում այն անձանց, որոնք ունեն նշանակալի ներդրում իրավագիտության եւ իրավաբանության ասպարեզում:

Հայաստանի Հանրապետության իրավաբանների միության անդամ դառնալ ցանկացող անձը ներքոհիշյալ հասցեով ներկայացնում է գրավոր դիմում կամ լրացնում սույն էջում տեղադրված էլեկտրոնային ձեւը եւ վերջինս ուղարկում info@iravaban.am հասցեով: Սույն էջում տեղադրված դիմումի էլեկտրոնային ձեւը կարող է օգտագործվել որպես գրավոր դիմումի լրացման ձեւ:

Անդամակցության մասին հարցը լուծում է ՀՀԻՄ-ի Վարչությունը, որի մերժման մասին որոշումը գանգատարկման ենթակա չէ: ՀՀԻՄ-ի Վարչության դրական որոշման դեպքում, ՀՀԻՄ-ի անդամ դառնալ ցանկացող անձը ներքոհիշյալ հասցեով ներկայացնում է երկու անձնական լուսանկար:

Հասցե` ք.Երեւան, Ալեք Մանուկյան 1
Հեռախոս` (01) 55-43-75