Սույն աշխատանքը նվիրված է Հայաստանում քաղաքացիական դատավարական ներկայացուցչության ինստիտուտի պատմությանը և արդի հիմնախնդիրների վերլուծությանը: Շարադրանքը կատարվել է ըստ հետևյալ պարբերացման` դատավարական ներկայացուցչության ինստիտուտը Հայաստանում հնագույն ժամանակներից մինչև 1828թ. Արևելյան Հայաստանի` Ռուսաստանին միացվելը (մ.թ.ա. I հազ. մինչև մ.թ. XIX դարասկիզբը), XIX դարում, XX դարասկզբում և Հայաստանի Առաջին Հանրապետությունում (1828-1920թթ.), Երկրորդ (1920-1990թթ.), Երրորդ (1990-2003թթ.) հանրապետություններում:
Իրավական հայացքների, իրավաբանական հայեցակետերի, հասկացությունների, հայրենական և արտասահմանյան օրենսդրության պատմաիրավական հետազոտության և իրավահամեմատական վերլուծության հիման վրա գրքում արվել են Հայաստանի Երրորդ Հանրապետությունում գործող քաղաքացիական դատավարական ներկայացուցչության ինստիտուտի կատարելագործման առաջարկներ:
Մենագրությունն օգտակար կարող է լինել Հայաստանի պետության և իրավունքի պատմության, ՀՀ քաղաքացիական դատավարության դասախոսների, ասպիրանտների, իրավաբանական բուհերի և ֆակուլտետների ուսանողների, ինչպես նաև դատավորների, փաստաբանների, դատարանում քաղաքացիական գործերով ներկայացուցչի գործառույթներ իրականացնող այլ իրավաբանների, դատախազների, իրավապահպան մարմինների ու ծառայությունների այլ աշխատակիցների համար:
